1․ Ձյունը ոչ այլ ինչ է, քան սառած ջուր: 

2. Գիտե՞ք արդյոք, թե ինչու է ձյունը սպիտակ: Այն բաղկացած է օդից, իսկ լույսը, որն ընկնում է ձյան փաթիլների վրա, ցրվում է հնարավոր բոլոր ուղղություններով:

3. Չկան ձյան միանման 2 փաթիլներ, իսկ ահա հավասարաչափ փաթիլներ կարողացել են գտնել: 

4. Սովորական ձյան փաթիլի չափը 5 մմ է, բայց ԱՄՆ-ում հայտնաբերվել է «ամենամեծը»` 38 սմ:

5. Գիտե՞ք, թե ինչու է ձյունը ճռճռում, հատկապես սաստիկ  սառնամանիքին: Ձյունիկները կոտրվում են եւ շփվում միմյանց հետ: Այսպիսի եղանակով է ստացվում «ճռճռոցի» էֆեկտը:

6. Դուք կարծում եք, որ ձյունը կարող է միայն սպիտա՞կ լինել: Իհարկե ո՛չ: Սեւ, կանաչ, նարնջագույն, ահա այսպիսի գունային երանգներով էին լցվել Միացյալ Նահանգների (1955թ.), Ռուսաստանի (2007թ.) եւ Շվեյցարիայի (1969թ.)  փողոցները: 

7. Սահարա անապատը ձյուն «տեսել է» 1979 թվականին՝ առաջին եւ վերջին անգամ:

8. Երբեւէ մտածե՞լ եք, թե տարվա կտրվածքով որտեղ է ամենաշատը ձյուն տեղում: Դա Բեյքեր լեռն է, որը գտնվում է Վաշինգտոնում: Համաշխարհային ռեկորդն այստեղ է գրանցվել 1998-1999 թվականներին տեղացած 2850 սմ ձյան շնորհիվ:

Բարև Ձեզ, ես Յանան եմ։ Մենք 2026- թ․ հունվարի 13-ին գնացել էինք Մարդուկ –

Ջարդուկ ներկայացումը դիտելու։ Այնտեղ Մարդուկ – Ջարդուկը կենդանացավ և

մարդ դարձավ։ Այնտեղ նաև կային երեխաներ 1 աղջիկ և 1 տղա։ Այնտեղ հոսանքը

տարան և մենք երգեցինք մինչև հոսանքի հարցը լուծեն։

Այսօր ես կամփոփեմ առաջին ուսումնական շրջանը, որը եղել է շատ հետաքրքիր, հագեցած և որի ընթացքում լիքը նոր գիտելիքներ ենք ստացել։

Սեպտեմբերից դեկտեմբեր ընկած ժամանակահատվածում մենք մասնակցել ենք տարբեր հետաքրքիր ճամփորդությունների, այցելել ենք Հայաստանի բնության պետական թատրոն, որտեղ տեսել ենք տարբեր կենդանիների խրտվիլակներ, կմախքներ, այցելել ենք Արայի լեռ, բարձրացել ենք սարը, գնացել ենք մի փոքրիկ եկեղեցի, որտեղ կար քար և քարի տակից բուժիչ ջուր էր կաթում։ Հետո գնացել ենք Էդիթ Պրինտ հրատարակչություն, որտեղ տեսել ենք, թե ինչպես են գրքերը պատրաստում, կազմում։ Այցելել ենք նաև Կոմիտասի թանգարան, որտեղ տեսել ենք Կոմիտասի ձեռագիրը, նամակները, երաժշտական գործիքները, իր նկարած նկարները։ Այցելել ենք Ռուսական արվեստի թանգարան, որտեղ մեզ տվել են կավից պատրաստված պատկերներ, որոնք մենք գունավորել ենք և պատրաստել տոնածառի խաղալիքներ։ Մենք դասարանով նաև այցելել ենք Ջրվեժի անտառապարկ, որտեղ շատ հավես ժամանակ ենք անցկացրել, տերևներով թղթի վրա պատկերներ ենք ստացել, տեսել ենք փոքրիկ լիճ, ծառի տակ աճած սնկեր ու լիքը գույնզգույն տերևներ։ Տարվա վերջում էլ այցելել ենք Տիկնիկային թատրոն և դիտել ենք Էլֆերի Ամանորը ներկայացումը։
Այս շրջանում դպրոցում ունեցել ենք շատ հետաքրքիր ու ուսուցողական ծեսեր, դրանցից են Թթուդրիկի ծեսը, որի ընթացքում մենք ինքներս պատրաստել ենք խառը բանջարեղենների շատ համեղ թթու, որն էլ Հարիսայի ծեսի օրը համտեսել ենք, ունեցել ենք ցուցահանդես-վաճառք, որի ժամանակ վաճառել ենք մեր պատրաստած թևնոցները, թթուն, էջանիշները, քաղաքային պատկերով նկարները, և տարվա վերջում ունեցել ենք Ամանորի ծեսը, որի ընթացքում, երգել ենք, պարել ենք, արտասանել ենք, և վերջում էլ Ձմեռ պապիկից ստացել ենք մեր նկարներով հետաքրքիր նվերներ։

Այս ուսումնական շրջանում ստացել ենք լիքը նոր գիտելիքներ տարբեր առարկաներից, մասնակցել ենք Ուսումնական աշուն, Ուսումնական ձմեռ նախագծերին մեր ընտրած թեմաներով, Ես ուսումնական նախագծին՝ Իմ ընկերը, պատմել ենք ընկերոջ մասին, ներկայացրել ենք, թե ինչ է ընկերությունը մեր պատկերացմամբ։

Մաղթում եմ, որ 2026թ․-ին մեր երկրում խաղաղություն լինի, բոլոր երեխաների և մեծերի ցանկությունները թող կատարվեն, մարդիկ ավելի բարի, առողջ ու երջանիկ լինեն։

Ես շատ եմ սիրում Նոր տարին, իմ սիրելի տոներից է։ Ամենաշատը սիրում եմ տոնածառի զարդարումը։ Ամեն տարի տոնածառը զարդարում ենք դեկտեմբերի 5-ին, և նույն օրն էլ նամակ ենք գրում Ձմեռ պապիկին և թողնում տոնածառի ճյուղերի վրա։ Տոնածառը զարդարելու ընթացքում ամանորյա երգեր ենք լսում ու շատ հավես է անցնում։